كنت قد وعدتكم بشرح محتويات بطاقة اعتماد تقاوي البطاطس اللي متخيطة على شيكارة التقاوي وازاي تفهم المكتوب وتربطها بافضل نوعية تقاوي حتى لنفس الصنف….
اولاً
مصر بتستورد التقاوي من 4 دول (تقريباً ما بين 120-150 الف طن ) سنوياً من هولندا (معظم التقاوي) والدنمارك وفرنسا و استكلندا وكل دولة لها هيئة عامة لفحص واعتماد التقاوي … وعلى مدار عدة منشورات هتكلم عن كل دولة من الاربعة (هيئات الاعتماد فى الدول – هولندا NAK– اسكتلندا SASA – الدنمارك Danish Agrifish Agency) .. وكميات قليلة جدا من المانيا وبلجيكا ولكسمبرج…
هبدأمعكم بالبطاطس من هولندا : وهيئة اعتماد التقاوي الهولندية”NAK”
البطاطس محصولا مهما فى هولندا من اجمالى المساحة المنزرعة من البطاطس و التي تبلغ حوالي 150.000 هكتار (370 الف فدان – مصر تزرع ما يفوق 400 الف فدان ) كل عام منهم ما بين 35000 و 38000 هكتار (ما بين 85-100 الف فادان) من البطاطس بغرض التقاوي وتوفر هولندا تقاوي البطاطس لجميع دول العالم تقريبا و تبذل مجهودا كبيرة فى البحوث و مراقبة الجودة و بناء مجموعة قوية من الاصناف المتميزة ويقوم حوالي 1500 مزراع معتمد انتاج حوالى مليون طن تقاوي سنوياً من 300 صنف معتمد0
وتتولى هيئة خدمات فحص و اعتماد التقاوي الزراعية وتقاوي البطاطس الهولندية NAK مسئولية فحص وتقييم واعتماد التقاوي الهولندية.
تصنيف التقاوي اثناء الانتاج حسب الرتبة:
- Basic seed : classes S,SE and E : تقاوي الاساس الجيل السادس و السابع
- Certified seed classes A and B : التقاوي المعتمدة
الرتبة اللي بنستوردها هى E calss يعني كسر الجيل (السابع) – جيل الاساس واحيانا SE ….وده مواصفاته ايه حسب تصنيفات الاتحاد الاوربي وحسب هيئة فحص التقاوي الهولندية NAK :
- تقوم الهيئة بفحص حقول البطاطس المنزرعة لغرض التقاوي ثلاث مرات اثناء الموسم اولها فى مايو و ذلك للتحقق من كل ما يتعلق بنقاء الصنف و الادوات و المدخلات المستخدمة فى الانتاج وكذلك فحص الامراض و الافات….
- وجود نسبة لا تزيد عن 0.01% اصابة بفيروس التفاف الاوراق او الموازيك وجود نسبة (صفر) من الاصابة بالعفن الطري(Dickeya) والساق السوداء و العفن البني و العفن الحلقى و عدم وجود اى من العفن الجاف وعدم الخلط بالاصناف الاخرى (مسموح ب 0.025%) يعنى لا يزيد عن من 3-5 درنات فى الطن !!
- كيفية قراءة بطاقة الاعتماد (البطاقة البيضاء اللي على شيكارة التقاوي) : شوف الارقام التوضيحية على البطاقة المرفقة … (الارقام فى الدوائر الحمراء )..
- رتبة التقاوي (اللى بنستوردها فقط هى تقاوي الاساس “الجيل السادس و السابع E7&SE“) اما رتبة A&C فتم الغاء استيردهما من فترة…
- نوع بطاقة الاعتماد (بيضاء او زرقاء) certified seed potatoes blue
Or basic seed potatoes white(certificate)
- نوع التقاوي (بطاطس) species : potato
- اسم الصنف the variety’s name
- رقم المزارع (المسجل فى هيئة الاعتماد )number under which the grower is registered with the NAK
- تاريخ اعطاء شهادة الاعتماد Date of certification
- البلد المنتج للتقاوي(country in which the potatoes originated )
- حجم التقاوي (مم) grading in millimeters ويفضل الاحجام من 28/55
- سنة انتاج التقاوي year of production
- منطقة الانتاج (خريطة) area .. هتلاقو خريطة هولندا المقوسة فيه جزء باللون الاسود وهو ده منطقة الانتاج بتاعة التقاوي …. وهنا يفضل التقاوي المنتجة من المناطق الشمالية فى هولندا هذه المناطق البادرة بتكون اقل ما يمكن لانتشار حشرة المن او حتى امراض الندوات و الاعفان البكتيرية .. من مناطق لويفاردين غرونينغنن بالتحديد فى شمال هولندا….
11- رقم الشهادة المحدد the unique certificate’s number
12- كود وحدة التعبئة packaging unit
13- كود خاص باستيفاء المتطلبات للكائنات الضارة ذات الصلة فى المناطق المحمية requirement’s for relevant harmful organisms of protected zones are met
14- كود خاص باستيفاء اشتراطات الاتحاد الاوربى لاعتماد التقاويEU phytosanitary requirements are met
15- التفتيش و الشهادات وفقاً توجيهات الاتحاد الاوربى inspection and certification in accordance with the relevant EU
المصدر : الدكتور محمد على فهيم
