البورون الرمز الكيميائي ( B ) عنصر من العناصر الصغري
التعريف السهل

البورون هو المأذون الشرعي للنبات ازاي الكلام ده هاتعرف وانت بتقراء المقال أن شاء الله

البورون ده بقي قصه وحكاية كبيره شويه ليه لأنه عنصر مغمور يعني مش كل الناس الطيبه عارفه هو بيعمل ايه بالظبط طيب بص ياسيدي البورون بيعمل ايه علشان تعرف مدى أهمية هذا العنصر الرهيب
_________________________________________________

البورون هو المسؤول عن عملية التلقيح في النبات علشان كده وصفته انه يبقى ( البورون المأذون الشرعي في النبات)
يعني لما حضرتك تلاقي تزهير ونمو خضري كويس والنبات مش عايز يعقد يبقي انت مقصر في حق البورون حتي لو رجعت الي السنه دي واليي حصل فيها بسبب تغيرات المناخ والجو هتلاقي ان العقد كان قليل اليي يحل معاك المشكله دى هي انك توفر البورون
_________________________________________________

البورون
هو المسؤول عن بناء السكريات داخل النبات عن طريق انتاج ماده اسمها بلورات السكر بالتالي فإنه دوره كبير جدا في تحديد كمية السكر داخل الثمار تخيل بقي ياراجل يا طيب تجيب فاكهه تلاقيها ماسخه مش حلوه من ايه من نقص البورون
بدون البورون ماتعرفش تأكل حاجه مسكره
_______________________________________________

البورون
له دور كبير جدا في عمل توازن داخل النبات بين عنصري
الكالسيوم – البوتاسيوم ) يبقى لما يتوفر البورون بشكل صحيح تأكد أنك هايكون عندك ثمره كبيره بسبب توازن البوتاسيوم
ثمره قويه بسبب توازن الكالسيوم
_________________________________________________

البورون
بص بقي العنصر اليي اسمه من العناصر الصغري ده بيعمل ايه

– هو المسؤول عن بناء قلب الثمار من الداخل يعني تحس ان الثمره فيها لحمه كتير بلغتنا احنا بالتالي يعمل معاك وزن بالتالي إنتاج أعلي
– هو المسؤول عن منع ظاهرة القلب الاجوف في الثمار اليي هي تحس ان الثمره من جوه طريه فاضيه مخوخه ممكن -تصاب بكل الإعفان اليي بتيجي للثمار
– هو المسؤول عن حمل الكالسيوم للدخوله به داخل الثمار شوف مع انه من العناصر الصغري لكن شايل ابن الأكابر الكالسيوم
بعد النيتروجين
_________________________________________________

البورون
يدخل في تركيب الهرمونات النباتية
ولاكن خد بالك إذا زاد عن الكميه المطلوبه يحدث تسمم داخل النبات
يعني لازم استخدامك للبورون يكون بحساب
طيب نيجي علي السؤال المعتاد نحط قد ايه للفدان
الاجابه == هاتكون فى الكومنتات علشان كل نبات بيحتاج محدده
________________________________________________

ألبورون عراض النقص
– تظهر أعراض النقص في القمم النامية في النبات ولا تظهر في الأوراق الكبيره خالص
– تشوه الأوراق والسيقان
– تعفن الثمار نتيجة حدوث القلب الاجوف
– الأوراق يكون لونها فاتح في البراعم
تكسر السيقان
________________________________________________

البورون وصوره في السوق العربي

بوراكس لا ينصح باستخدامه غير المتخصصين وذلك لأن سميته عاليه جدا وكمان النسب بتاعته لازم حد فاهم قوي هو اليي يوصفها لأنه لو زاد هايعمل مشكله كبيره الأحسن والأفضل انك ما تشتغل بيه تسميد خالص
_________________________________________________

البورون
يفضل الاستخدام رش ورقي فقط دي وجهة نظري
منتجات كثيره في السوق
كالسيوم بورون = لمنع ظاهرة عفن الطرف الزهري وزيادة تثبيت العقد
موليبدنم بورون= لزيادة عملية التزهير وتثبيتها وزيادة التلقيح
بوتاسيوم ماغنسيوم كالسيوم = علشان ظاهرة البلاك ستيم في العنب
__________________________________________________

البورون والصب في البطاطس
بورون لوحده = لصب العرش كما في البنجر والبطاطس
بس خد بالك ان بطاطس التصنيع لو زاد كمية البورون تعمل مشاكل لأنها بتزود نسبة السكر وهذة غير مطلوب في البطاطس التصنيع
طيب لو عايز تصب في بطاطس التصنيع يبقي سترات بوتاسيوم

__________________________________________________

ظلموك يا صديقي وقالوا عليك من العناصر الصغري
فعلت قصه وحكاية اسمها عنصر البورون الكلام عنه كبير جدا

المصدر : شركة سمارت لاند