القمح زرعة ابائنا و اجدادنا .. فى المعابد المصریة القدیمة اكتشفوا وجود حبات القمح فى المقابر … حطوھا قدمائنا المصریین فى مقابرھم و حافظوا علیھا .. یبقى لازم نحافظ على قدرتنا و سمعتنا و تاریخنا و نظل مستمرین و متألقین فى زراعة قمحنا و توفیر غذائنا ..

اعداد الارض :

١ – اعطاء ریات غزیرة عن طریق دورات بطیئة لجھاز الرى .

2- خلیك شاطر و إعمل عمود میاة كویس طولة ٧٠ سم لو قدرت

٣ – بعد كدة و حسب المحصول السابق خد قرارك أحرث و لا أقلب التربة؟؟

 ٤ – فى حالة الحرث .. إدى وش فك ٩ سلاح و حط الاسمدة التالیة إعتمادا على تحلیل التربة:

٥٠كیلو سلفات نشادر

٢٥كیلو سلفات بوتاسیوم محبب

١٠٠كیلو سوبر فوسفات محبب

الكبریت مھم مع أى زرعةحطلك ٥٠ كیلو كبریت زراعى

 إخلطھم یا برنس و بالبدارة و اعمل تلاحم للجرات و تأكد من تساوى الكمیات على سطح ألارض .. بعد كدة إعمل الوش التانى بالمحراث التسعة سلاح

الصنف:

خلیك معلم و إختار الصنف االلى یتناسب مع مكانك على الخریطة.. عشان اللى بیزرع فى العوینات موش زى اللى بیزرع فى المنیا و الواحات و لا زى اللى بیزرع فى الصالحیة و النوباریة و وادى النطرون … كل مكان له صنف .. و كل صنف له نظام فى تفریعه و نموة و قدرتة على مقاومة الامراض و الرقاد.

التسویة:

حسب نوع الارض و بما ان غالبیتھا رملیة خلیك فى الدیسك ھاروو ابو رولة .. حلو خالص .. و لو شاطر حط وراة زحافة أو ماسورة أو لواطه .. أھم حاجة یكون إتجاة التسویة عمودى على إتجاة وش الحرث التانى .. أو على الاقل بمیل زاویة ٤٥ درجة.

الزراعة:

طبعا مواعید الزراعة بتبدأ غالبا أول نوفمبر .. حاول متتأخرش عن یوم عشرین منه على قد ما تقدر ..

بص یا باشا .. فضى نفسك یوم الزراعة و خلیك واقف و عینك فى وسط راسك و طبعا أنت مأجر أو تمتلك سطارة .. خلى إتجاة الزراعة بمیل على إتجاة التسویة … اظبط عمق الزراعة و ظبط الكمیة بحیث تنزل ٦٥ الى ٨٠ كیلو للفدان حسب الصنف و تاریخ الزراعة و نوع الارض .. ممكن تزید شویة و تنقص شویة حسب إیه … ایوة كدة … ( الصنف ) .برافو علیك .. تأكد إن شوك السطارة بتردم كویس و الغطا مناسب.

الرى:

إدى ریتین حلوین تقال بعد الزراعة مباشرة و متنساش انك من الاول عندك مخزون میة فى العمود اللى قولنا علیه.

الانبات:

تقریبا ھیبقى عندك انبات بعد اسبوع و ھیكتمل خلال عشر ایام .. على یوم عشرین .. نزل حوالى ٢٠ كیلو یوریا دفعة تنشیطیة و متنساش أنك حاطط سلفات نشادر فى الاعداد.

التسمید:

من عمر ٢٠ یوم و حتى عمر ٨٠ یوم نزل شیكارة یوریا و شیكارتین نترات نشادر بالبیفوت و دفعه بالبدارة شیكارتین من النترات كمان .

اھتم بنترات الكالسیوم و حط نص شیكارة فى اول ٤٠ یوم و نص شیكارة ماغنسیوم من عمر ٤٠ و حتى ٦٠ یوم
على عمر ٦٠ یوم حط ١٥ كیلو سلفات بوتاسیوم ذواب .

القمح بیحب سلفات الزنك و سلفات المنجنیز یارت تحط ٧ كیلو من الاول و ٥ كیلو من التانى للفدان الواحد و كمان ٥ كیلو كبریتات حدیدوز .. واحد یقولى لیه كدة دأ كتییییر … أأقولة إحنا بنزرع فى أرض رملة و فقیرة

متنساش رشة عناصر صغیرة حلوة بمعدل ٥٠٠ جرام للفدان .. و ممكن تصل لكیلو .

الحشائش:

حسب الصنف و الكثافة و كمیة الحشائش قرار رش مبید الحشائش متوقف على دة كله .. اول ما یكون القمح طولة من ١٥ الى ٢٠ سم رش تذكرة جرانستار للفدان ٨ جرام ,, و خلیه إختیار أخیر او اى نوع مناسب اخر..

الرى خلال الموسم:

إھتم بالرى جیدا و حتى مرحلة طرد السنابل و تكوین و إمتلاء الحبوب .. إحذر من الرى لو فیه ریاح .. قلل الرى فى الایام ألاخیرة من بعد عمر ١٣٠ یوم وأفطم قبل الضم بفترة كافیة حتى تمام الجفاف .

الحصاد:

اختار میعاد الضم بدقة و اوعى یعدى احسن القمح یفرط منك و عینك على الواد سواق الكومباین و افحص وراة و فى القش لیكون فیه فقد أو فاقد و خلیه ینزل صدر الكومباین كویس عشان تستفید بالقش و ادیله اكرامیة حلوة عشان یحافظ على محصولك.

القش

بعد ماتخلص ضم و حصاد اكبس قشك و إعمله  بالات .. الطن فیه بـــ ١٥٠٠ جنیه و لو مجبتش ٢ طن فى الفدان ھزعل منك.