• السيلكون: هو عنصر نشط حيويا متعلق بتأثيرات مفيدة وحيوية للنبات سواء الميكانيكية أو الفسيولوجية حيث يعمل على تقليل الاجهاد الحيوي والغير حيوي الي يتعرض له النبات ويزيد من مقاومة النبات ضد الفطريات الممرضة. كثير من الأبحاث العالمية أثبتت أن السيلكون ينشط الألية الدفاعية للنبات طب ده بيحصل ازاي؟
• لأن طبيعية السيلكون تتفاعل مع العمليات الكيمائية الحيوية وترفع من مقاومة النبات بس لحد دلوقت الالية غير مكتملة الرؤية بس النتائج أثبتت انه يرفع مقاومة النبات للفطريات والأجهاد . بردوا ازاي بص يا سيدي السليكون عنصر له خصائص حيوية خاصة بيه لوحده (unique) علشان كده بيعمل كمنظم لوقت ومدى الاستجابة الدفاعية للنبات وبيعمل ايه تاني بيرتبط بمجموعة الهيدروكسيل OH فى البروتين اللي بتنقل الاشارات فى النبات وخد دي بقى بيتداخل مع العوامل المساعدة الكيتونية للانزيمات اللي لها تأثير متعلق بألية حدوث المرض واعراضه من الاخر السليكون بيلعب فى جينات النبات اللي بترفع مقاومته للاجهاد بره النبات على السليكون بيمنع اختراق الفطر للورقة ومقاومة ميكانيكة
• اول مرض جربوا عليه السليكون كان البياض الدقيقي فى الخيار وبعد كده اثبتوا ان السليكون بيعالج امراض فطرية ثانية
• السليكون بيعمل ايه تاني ؟ بيحسن من البناء الضوئي ؟ علشان بيعظم عمل مكونات الغشاء الثايلاكويدي اللي فى البلاستيدات الخضراء وبالذات فى الارز تحت ظروف العطش و الجفاف
• بيحسن امتصاص النترات والسلفات اللي بدورها بتزود البرولين اللي بيرفع مقاومة الاجهاد فى النبات عرفت ازاي بقى هو بيرفع الاجهاد الغير حيوي عن النبات
• السليكون بيحفز نمو الجذور تحت تأثير الملوحة والأبحاث العالمية اثبتت ده
• السليكون بيعمل حاجة مهمة جدا بيحمي النبات من تلف DNA هتقولي ازاي ؟ هقولك التعرض للأشعة الفوق بنفسجية بتخلي النبات بيكون حاجة اسمها بيوتات بيرميدين السيلكون بيقلل من المركبات دي ازاي بردوا ؟
• يزود تركيز المركبات اللي بتمتص سيكلوبيتان بيرميدين المضرة ل DNA وبكده هتحمي DNA  من التلف.
• وبيزود انتاج جين فوتولايز اللي بيعمل تصليح للضرر الناتج من المركبات الناتجة من V
• بيزود مقاومة الطماطم والبطيخ للبكتريا الممرضة حسب نتائج الابحاث العالمية
• السليكون ليه تأثيرات ايجابية بتخلي النبات يقاوم الملوحة وبالذات فى القمح والارز
• يزود انتاج البولي امين اللي بدورها مهمة لمختلف العمليات الحيوية اللي بتأثر على نمو النبات.

 

 

فريق البحث و التطوير شركة سمارت لاند