السكريات الكحولية
مقالات - 30 يناير، 2020
- هى مركبات عضوية مشتقة من السكريات تحتوي على مجموعة هيدروكسيل متصلة بكل ذرة كربون وعلشان هي فيها مجموعة هيدروكسيل متعددة تسمى بولي اولز أمثلة للسكريات الكحولية : مانيتول – سوربيتول – زيليتول
- تختلف السكريات الكحولية عن السكريات العادية اللي زي جلوكوز فى انها خطية وليست حلقية وده بيسهل دخولها للنبات عبر الثغور وكمان النبات بيتعرف عليها بسهولة علشان هو بيخلقها فبالتالي بيمتصها بسهولة فبكدة بيسهل علينا تحمل عليه عناصر غذائية مهمة للنبات وكمان هى ذات طاقة تخزينية عالية عكس السكريات العادية طيب ايه فايدة السكريات الكحولية وهنتكلم هنا على المانيتول
- المانيتول بيزود قدرة النبات على تحمل اجهاد الملوحة مش بس كده المانيتول بترفع استجابة النبات لمهاجمة المُمرضات زي الفطريات علشان كده ايض المانيتول فى النبات بيلعب دور مهم وحيوي فى رفع الاجهاد الحيوي و الغير حيوي اللي بيتعرضله النبات.
- المانيتول بيندرج تحت حاجة اسمها compatible solute اللي هي بالبلدي كده جزئيات عضوية صغيرة تحمل شحنة متعادلة وتتميز بأنها قليلة السمية حتى فى التركيزات العالية وتعمل على تعافى النبات من ظروف الاجهاد سواء من الملوحة او التعرض للفطريات ولاتؤثر على عمليات الايض فى خلية النبات.
- المانيتول بيتركز فين بقى ؟ بيروح فى السيتول بتاع الخلية و يمنع اي ضرر ناتج من الاجهاد اللي بيعوض عمليات الميتابلوزم فى النبات يعني يخلي النبات يمارس وظائفه الحيوية بحالة طبيعية رغم الاجهاد اللى هو فيه
- ليه يتحمل عليها بقى؟ علشان السكريات الكحولية فيها مجموعات هيدروكسيل زي اللي موجودة فى الماء فتحاكي تركيب الماء وتحافظ على غلاف مائي حول الجزئيات الكبيرة وتدخل النبات بسهولة اسرع من الايدتا و الاحماض الامينية
- طيب بتعمل ايه تاني غير رفع الاجهاد عن النبات بتعمل زي مصيدة لشوارد الاكسجين الحرة اللي بتأكسد الدهون وبالتالي بتدمر الخلية طيب الشوارد دي بتيجي منين ؟ بتيجي من اي ظروف غير طبيعية بيتعرضلها النبات ذي الملوحة وغزو الفطريات واستخدام المبيدات
- السؤال المهم بقى؟ فين المانيتول ليقوم بدوره ؟ 80% فى الفجوة العصارية و 20% فى السيتول
فريق البحث والتطوير شركة سمارت لاند
